ការស្រាវជ្រាវ៖ ជាតិកាហ្វេអ៊ីនអាចកាត់បន្ថយការប្រឈមជំងឺមហារីកស្បែក
09-December-2015 | ដោយ មួយឡា
តើអ្នកមានត្រូវការហេតុផលមួយទៀតដែរទេ ដែលថាទម្លាប់ញ៉ាំកាហ្វេមានផលល្អ? តាមការស្រាវជ្រាវមួយបានឱ្យដឹងថា ការញ៉ាំកាហ្វេអាចជួយកាត់បន្ថយការប្រឈមនឹងជំងឺមហារីកស្បែក ឬ Melanoma បាន។
ការស្រាវជ្រាវ
អស់រយៈពេល ១០ឆ្នាំហើយ អ្នកស្រាវជ្រាវបានប្រមូលទិន្នន័យពីអ្នកចូលរួមក្នុងកម្មវិធីរបប អាហារ NIH-AARP Diet and Health Study។ ក្នុងនោះដែរ អត្រានៃការកើតជំងឺមហារីកស្បែកដែលត្រូវបានតាមដាន និងកត្តាជាច្រើនទៀតនោះមានដូចជា អាយុ ការប៉ះពាល់នឹងកាំរស្មីយូវី សកម្មភាពរាងកាយ BMI ការជក់បារី និងការញ៉ាំគ្រឿងស្រវឹងសុទ្ធតែត្រូវគិតទាំងអស់ បូករួមនឹងទម្លាប់ញ៉ាំកាហ្វេផងដែរ។
ការស្រាវជ្រាវបានឱ្យដឹងថា អ្នកញ៉ាំកាហ្វេទំនងជាមិនសូវកំណត់រោគវិនិច្ឆ័យថាមានជំងឺមហារីក ស្បែក Melanoma ច្រើនដូចអ្នកមិនផឹកកាហ្វេឡើយ។ អ្នកដែលញ៉ាំកាហ្វេមានជាតិកាហ្វេអ៊ីន យ៉ាងហោចណាស់ ៤ពែងរាល់ថ្ងៃឃើញថា មានការថយចុះនៃការប្រឈមនឹងជំងឺមហារីកស្បែក ២០ភាគរយឯណោះ។ កាហ្វេដែលគ្មានជាតិកាហ្វេអ៊ីនមិនផ្តល់ជាអត្ថប្រយោជន៍ទាំងនេះឡើយ។
តើអ្វីទៅដែលជាទំនាក់ទំនងរវាងការញ៉ាំកាហ្វេ និងការកាត់បន្ថយជំងឺមហារីកស្បែក? ការសិក្សាមុនៗបានបង្ហាញថា កាហ្វេផ្ទុកទៅដោយសារធាតុដូចជា Polyphenols និងកាហ្វេអ៊ីន ដែលជួយទប់ស្កាត់កាំរស្មីយូវីដែលជំរុញឱ្យកើតជាដុំសាច់មហារីក។ ក្នុងដំណើរការកម្លោចគ្រាប់កាហ្វេ ក៏ចាប់ ផ្តើមបង្កើតជាវីតាមីនB ដែលអាចផ្តល់ជាស្រទាប់ការពារនឹងការកើតជាដុំសាច់មហារីកដែរ។
សេចក្តីសន្និដ្ឋាន
ប៉ុន្តែលទ្ធផលនៃការសិក្សាគ្រាន់តែជាលើកដំបូងប៉ុណ្ណោះ ហើយក៏នឹងត្រូវការការស្រាវជ្រាវបន្ថែមទៀតកាន់តែច្រើនដែរមុនពេល អ្នកស្រាវជ្រាវសម្រេចចិត្តសន្និដ្ឋានថាការញ៉ាំកាហ្វេកាន់តែច្រើនគឺ កាន់តែមានប្រសិទ្ធភាពក្នុងការបង្ការជំងឺមហារីក។
ចំនួននៃការស្លាប់ដោយសារជំងឺមហារីកស្បែក Melanoma អាចនឹងថយចុះបើសិនជាពួកគេដឹងអំពីសញ្ញាប្រកាសអាសន្នរបស់វា របៀបពិនិត្យស្បែក និងការពិនិត្យដោយខ្លួនឯង។ មនុស្សម្នាក់គួរតែពិនិត្យរកមើលដំបៅស្បែក ឬប្រជ្រុយដែលមើលទៅខុសគេពីកន្លែងផ្សេងៗទៀតនៃរាងកាយ ឬមានការប្រែប្រួលរូបរាង ទំហំ ឬពណ៌របស់វា៕
ប្រភព៖ health
ចំនួនអ្នកទស្សនា
- ថ្ងៃនេះ6771
- ម្សិលមិញ12561
- សប្តាហ៍នេះ34721
- ខែនេះ56601
- ឆ្នាំនេះ56601
- សរុប20499057